Isotope van darmstadtium

Die chemiese element darmstadtium (Ds), met ’n atoommassa van ongeveer 281 u, het geen stabiele isotope nie en word dus as ’n radioaktiewe element geklassifiseer. Die agt isotope is onstabiel en het ’n relatief kort halfleeftyd (die meeste minder as ’n sekonde).

In die natuur kom geen darmstadtium voor nie; alle isotope is sinteties in ’n laboratorium berei. Die eerste sintetiese isotoop was ²⁶⁹Ds, in 1994.

Die kortslewende isotoop van darmstadtium is ²⁶⁷Ds, met ’n halfleeftyd van ongeveer 3 mikrosekondes. Die langslewende een is ²⁸¹Ds, met ’n halfleeftyd van 9,6 sekondes.